«Манчестер Юнайтед» яримҳимоячиси Бруно Фернандеш Европа Лигасининг биринчи ярим финал учрашувидаги «Рома»га қарши ўйиндан (6: 2) сўнг, фикр билдирди.

«Биз ўйинни яхши бошладик, аммо кейин икки марта гол ўтказиб юбордик. Аммо, шунга қарамай, биз диққат ва хотиржамликни сақладик, сўнгра иккинчи бўлимда энг яхши томонимизни намойиш этдик.

Мен Италияда ўтказган вақтимдан завқ олганман. Аммо, бу ерда, «Юнайтед» да ўзимни уйдагидек ҳис этаман ва ўзимга ишонаман. Бу менга энг яхши футболимни намойиш этишга имконият беради», - дейди португалиялик футболчи.

Фернандеш фаолиятини Италияда бошлаган, беш йилни эса «Новара», «Удинезе» ва «Сампдория»да ўтказган.

Бугун у «Манчестер Юнайтед» тарихида рақиблар дарвозасига 20та пеналти тепган учинчи футболчи бўлди. Фақатгина ундан Уэйн Руни ва Руд ван Нистелройда кўпроқ кўрсатгич мавжуд.