Ярим ҳимоячи Лукас Васкес «Реал» билан шартномани узайтиришга яқин турибди.
«Қаймоқранглилар» бош мураббийи Зинедин Зидан 29 ёшли футболчини режаларига киритаётганини маълум қилди.
Шу сабабли «Реал» таклиф этилган шартнома шартларини яхшилади, дея хабар бермоқда AS. Аввалроқ, Васкесга маошини 10 фоизга қисқартирганди (йилига 3.5 млн евро).
Эндиликлда мадридликлар футболчига 3+1 шартнома таклиф қилишди, унинг маоши йилига 5 млн еврони ташкил этади. Васкес ушбу шартлардан мамнун.
Олдинроқ, испаниялик вингерга ПСЖ ва «Бавария» қизиқиш билдираётгани ҳақида хабар берилганди.
Жорий мавсум Лукас Ла Лиганинг 24 ўйинида майдонга тушди. Яқинда тиззасидан олган жароҳати сабабли мавсумнинг қолган қисмини ўтказиб юборади.
