"Манчестер Юнайтед" ҳимоячиси Рио Фердинанд якшанба куни Лондонда "Арсенал"га қарши кечадиган ўйинни ўтказиб юбриши мумкин. Бу ҳақда манкунианликлар расмий сайтида хабарлар тарқалди. Ҳимоячи белидан олган жароҳати яна безовта қилаётганини клуб шифокорларига айтган. "МЮ" мураббийлар штаби ҳозирча бу борада аниқ маълумот бермаямпти. 33 ёшли ҳимоячи жамоанинг жума кунги машғулотини ўтказиб юборган. Шунинг учун ҳам унинг якшанба куни "Арсенал"га қарши майдонга туша олмаслиги ҳақидаги хабарлар тарқалди. "МЮ" расмий сайтининг хабар беришича футболчининг майдонга тушиш ёки тушмаслиги масаласини мураббийлар штаби ўйин арфасида ҳал қилишади.