Ярим ҳимоячи Генрих Мхитарян ушбу ёзги трансфер ойнасида «Рома»ни эркин агент сифатида тарк этиши мумкин.

Calciomercato нашрининг ёзишича, 32 ёшли футболчи амалдаги келишув бўйича шартномасини узайтириш банди бўлса ҳам, шартномасини янгилаганича йўқ.

Ушбу бандни фаоллаштириш учун Мхитарян «Рома»да мавсум давомида энг ками 25 ўйин ўтказган бўлиши керак эди. Футболчи бу ишни бажариб бўлган.

Хавбек ва унинг агенти Мино Райола аниқ бир жавоб беришмаган. Ушбу ёзда катта ўзгаришлар бўлиши мумкинлигини ҳисобга олган ҳолда, Мхитарян ва унинг атрофидагилар клубдан келажак учун аниқ режа олишни исташмоқда.

Мхитаряннинг амалдаги шартномаси ушбу ёзда якунига етади.

Аввалроқ, «Ювентус» ярим ҳимоячининг трансферига қизиқаётгани ҳақида маълумот тарқалганди.

Жорий мавсум арманистонлик А Сериянинг 29 ўйинида 9 гол ва 8 ассист муаллифига айланди.