«Ливерпуль» бош мураббийи Юрген Клопп АПЛ 34-тур доирасида бўладиган МЮга қарши ўйиндан олдин ўз фикрлари билан бўлишди.

— «Ливерпуль» «Олд Траффорд»да ютиши лозимми?
— Шарт. 100 фоиз ортиғи билан. Агар ғалаба қозона олмасак, келаси мавсум учун еврокубокларда қатнашиш имкониятимизни йўқотамиз.

— «Манчестер Юнайтед»нинг формаси ҳақида нима дея оласиз?
— Ҳар ҳафта пайшанба, шанба кунлари ўйин ўтказсанг, шундай графикка ўрганасан, лекин албатта бу ёрдам бермайди. Бу улар учун қийин чақирув. Жума ва шанба кунлари улар қайта тикланишади, кейин яна ўйнашади. Уларда тактик ўзгариш қилишга имконият йўқ, бироқ улар шу ишни қилишни исташмоқда деб ўйламайман.

Қийин, интенсив ўйин кутмоқда. Уларнинг «Рома»га қарши ўйинини кўрдик ва ажойиб! Айниқса, улар ўйнашга беришганида, майдон бўйлаб учишди.

Ишончим комилки, улар ҳали ҳам АПЛда ғалаба қозониш учун имконият етарли деб ўйлашмоқда. Олдинда турган баҳсда икки жамоа ҳам ғалабага ташна. Бу эса юқори савияли ўйин учун ажойиб рецепт", — деди Клопп.