«Барселона» ҳужумчиси Лионель Месси маошининг камайишига рози.

Eurosport хабарига кўра, 33 ёшли футболчи «Боруссия Дортмунд»дан Эрлинг Холандни сотиб олиш учун пул йиғилиши мақсадида «Барселона» билан янги шартнома тузиб, маошининг қисқаришига ҳам рози бўлди.

«Барселона» президенти Хоан Лапорта Мессига 20 ёшли норвергиялик билан музокараларни бошлашга тайёр эканлигини маълум қилган ва унда шунинг учун маоши қисқартирилишини сўраган. Шу вазиятда Холанд трансфери учун маблағ жамғариш имконияти юзага келади.

Шунга қарамай, «Барселона» Холанд трансфери учун жиддий киришган ва Лапорта қўшимча пул йиғиш учун айни вақтда инвестиция фонди билан музокара олиб бормоқда.

«Барселона»да Холанд билан шартнома имзолашга ишонишмоқда.

Рональд Куман учун асосий мақсад — «Лион»дан Мемфис Депайни олиб келиш, лекин Лапорта фақат «Боруссия» форвардини кўришни истамоқда.

Жорий мавсум Месси Ла Лигада 31 ўйин ўтказди ва 26 гол, 9 ассист қайд этди.