Ёзги трансферлар ойнасида эркин агентга айланадиган «Барселона» ҳужумчиси Лионель Месси билан шартнома тузиш, эндиликда ПСЖнинг асосий мақсади эмас.
Франция клубининг бош мақсади форвард Килиан Мбаппе билан 2022 йилгача тузилган шартнома муддатини узайтириш бўлиб турибди.
Парижликлар Мессининг яқинлари билан алоқани сақлаб турган бўлса ҳам, уни жамоага таклиф этиш ПСЖнинг ортиқ олий мақсади бўлмайди.
Аргентиналикда иккита танлов мавжуд. Улардан бири «Барса»да қолиш, иккинчиси эса ПСЖга йўл олиш. «Манчестер Сити» Мессини таклиф этиш вариантидан воз кечган, дея ёзмоқда L'Équipe.
Жорий мавсум Каталония клуби сардори Ла Лиганинг 31 ўйинида 26 гол ва 9 голли узатманинг муаллифига айланди.
