«Реал Мадрид» ҳимоячиси Рафаэл Варан Ла Лига 34-туридан ўрин олган «Осасуна»га қарши баҳсда (2:0) жароҳат олди.
Goal нашри журналисти Марио Кортегананинг хабар беришича, франциялик ўнг оёғида оғриқ сезгани сабабли танаффусда алмаштирилган. Унинг ўрнини Начо Фернандес тўлдирди.
Бугун ҳимоячи тиббий текширувдан ўтади ва натижага қараб унинг Чемпионлар Лигасининг «Челси»га қарши жавоб ўйинида майдонга тушиши ёки тушмаслиги маълум бўлади. Баҳс чоршанба куни ўтказилади.
28 ёшли фулбэк жорий мавсум Ла Лиганинф 30 ўйинида ҳаракат қилди ва 2 гол муаллифига айланди.
