АПЛ 34-туридан ўрин олган «Манчестер Юнайтед» ва «Ливерпуль» жамоалари ўртасидаги баҳс ўтказилмайдиган бўлди.
"Олд Траффорд" стадиони ичкариси ва ташқарисида МЮ мухлислари қўзғолон қилишди. Улар жамоа раҳбарияти Глейзерларни клуб бошқарувидан кетишини исташмоқда.
Қайд этилишича, учрашув ҳаками Майкл Оливер ва унинг бригадаси стадионга етиб келишган. Аммо, бир қанча маслаҳатлашувлардан сўнг, марказий ўйин бугун бўлиб ўтмаслиги ойдинлашган. Аниқ вақти эса тез орада маълум қилиниши айтилган.
Қайд этиш жоиз, иккала жамоа ҳам меҳмонхонада қолишга мажбур бўлишган ва у ерни тарк эта олишмаган.
Эслатиб ўтамиз, баҳс Тошкент вақти билан 20:30да бошланиши кўзда тутилган эди.
