APL 34-turidan o‘rin olgan «Manchester Yunayted» va «Liverpul» jamoalari o‘rtasidagi bahs o‘tkazilmaydigan bo‘ldi.
"Old Trafford" stadioni ichkarisi va tashqarisida MYU muxlislari qo‘zg‘olon qilishdi. Ular jamoa rahbariyati Gleyzerlarni klub boshqaruvidan ketishini istashmoqda.
Qayd etilishicha, uchrashuv hakami Maykl Oliver va uning brigadasi stadionga yetib kelishgan. Ammo, bir qancha maslahatlashuvlardan so‘ng, markaziy o‘yin bugun bo‘lib o‘tmasligi oydinlashgan. Aniq vaqti esa tez orada ma’lum qilinishi aytilgan.
Qayd etish joiz, ikkala jamoa ham mehmonxonada qolishga majbur bo‘lishgan va u yerni tark eta olishmagan.
Eslatib o‘tamiz, bahs Toshkent vaqti bilan 20:30da boshlanishi ko‘zda tutilgan edi.