«Манчестер Юнайтед» ва Ирландиянинг афсонавий яримҳимоячиси Рой Кин Лондоннинг «Арсенал» клуби ҳақида ўз фикрлари билан ўртоқлашди.
«Тўғрисини айтганда, «канонирлар»да вазият шунчаки дабдала. Одатда, агар биз «Арсенал»ни танқид қилсак, унинг ҳимояси ҳақида гаплашар эдик, аммо энди улар ҳужумда ёмон ҳаракат қилишмоқда.
Улар жуда кам гол уришмоқда. Албатта, Европа Лигасидаги ғалаба қозониш Микел Артетанинг устувор вазифаси. Чунки Чемпионлар Лигасига кириш жамоага ривожланиш учун катта туртки беради.
Аммо, Англия Премьер-лигасида уларнинг аҳволи жуда ёмон. Бу мен кўрган энг заиф «Арсенал». Уларда етакчилар етишмаслиги, маҳорат этишмаслиги, ёрқин ўйинчилар этишмаслиги сезилади. Мен бундай жамоадан кўп нарса кутмаган бўлар эдим», - дея Киннинг сўзларини келтиради Football London.
Қайд этиш мумкин, «Арсенал» 34 турдан сўнг, 49 очко жамғарган ҳолда АПЛ турнир жадвалида тўққизинчи ўринни эгаллаб турибди.
Эслатиб ўтамиз, Европа Лигасининг биринчи ярим финал учрашувида «канонирлар» «Вильярреал»га қарши сафар ўйинида мағлуб бўлишди(1:2). Жавоб учрашуви эса 6 май куни Лондонда бўлиб ўтади.
