«Аякс» спорт директори Марк Овермарс яримҳимоячи Донни ван де Бек нидерланд жамоасига қайтиши мумкинлиги ҳақидаги саволга жавоб берди.
Эслатиб ўтамиз, Ван де Бек ўтган йили «Аякс»дан «Манчестер Юнайтед»га кўчиб ўтган эди. Бироқ, яримҳимоячи Англияда кам ўйин амалиётига эга бўлмоқда.
«Ван де Бек қайтиб келиши мумкинми? Менимча Донни кейинги мавсумда «Манчестер Юнайтед»да қолиши ва асосий таркибга кириш учун курашиши керак. Унга бу қадар тез кетишнинг ҳожати йўқ», - деди Овермарс NOS нашрига.
Маълумот учун, Донни ван де Бек «Манчестер Юнайтед» таркибида, 2020/2021 йилги мавсумда 16 ўйин ўтказган.
