ПСЖ яримҳимоячиси Марко Верратти Чемпионлар Лигаси ярим финали «Манчестер Сити»га қарши жавоб учрашуви олдидан ўз фикрларини билдирди. Учрашув бугун тунда бўлиб ўтади.
«Биз рақибимизга айни дам нима кераклигини яхши англаб турибмиз. Уларни нимани хоҳлашини биламиз, лекин бор эътиборимизни ўз ўйинимизга қаратишимиз керак.
Бизда ажойиб малакали футболчилар ва кучли тактик мураббий мавжуд. Бундай пайтда хотиржам бўлишимиз керак, «Манчестер Сити»га қарши қандайдир мўъжизалар яратишимиз шарт эмас.
Албатта, улар бироз устунликка эга, аммо биз ўз услубимизда ўйнашда давом этамиз», - дея Верраттининг сўзларини келтирган УЕФА матбуот хизмати.
