"Ювентус" ҳужумчиси Криштиану Роналду фаолиятини Туринда якунламоқчи эмас. Португалиялик юлдуз бутсаларни осишдан олдин икки мавсумни Лиссабоннинг "Спортинг" клубида ўтказмоқчи, деб хабар беради "SAPO Desporte" нашрида журналист Клаудио Раймонди.
Манбанинг хабарига кўра, Роналду "Ювентус"ни ҳурмат қилади ва ҳомийлар билан яхши алоқага эга, шу сабабли у Турин клуби билан шартномани тўлиқ якунламоқчи. Криштианунинг "зебралар" билан амалдаги шартномаси 2022-йилнинг ёзига қадар ҳисоблаб чиқилган. Шундан сўнг, португалиялик ўзи тарбияланувчиси бўлган "Спортинг"га қайтишга жиддий киришмоқда.
Маълумот учун, Криштиану "Ювентус"га 2018-йил ёзида "Реал" даги тўққиз йиллик фаолиятидан сўнг келиб қўшилган эди. Шунингдек, у олдинроқ "Манчестер Юнайтед" ва "Спортинг"да ҳам ўйнаган. Ушбу мавсумда ҳужумчи Италия чемпионатида 30 учрашув ўтказиб, 27 гол ва учта голли узатмани амалга оширди.
