УЕФА расмий сайти Европа Лигаси доирасидаги ярим финал ўйинларни бошқариб борадиган ҳакамлар рўйхатини эълон қилди.
Римда ўтказиладиган «Рома» - МЮ баҳси Феликс Брих бошқарувидаги германиялик ҳакамлар бригадасига ишониб топширилди. Ёрдамчи реферилар сифатида Марк Борш, Штефан Лупп ишлашади. Тўртинчи ҳакам — Феликс Швайцер.
Лондонда бўлиб ўтадиган «Арсенал» - «Вилярреал» ўйини словениялик Славко Винчич чекига тушди. Унга қанотларда Томаж Кланчник ва Андраж Ковачичлар ёрдам беришади. Тўртинчи рефери ҳам словениялик Матей Юг.
Ушбу ўйинлар 6 май куни бўлиб ўтиши режалаштирилган.
