Бугун "Анжи" ва "Насаф" клублари Дубайда назорат ўйинини ўтказишди. Ушбу ўйинда Рўзиқул Бердиев шогирдлари доғистонликларни 2:1 ҳисобида мағлубиятга учратишди.

Ўйиннинг бошидаёқ қаршиликлар ҳисобни очишга муваффақ бўлишди. "Насаф" жарима зарбасини амалга оширганидан сўнг Габулов дарвоза тўсини ёнида тўпни узоқлаштиришга уринганди, аммо тўп унга югуриб борган Переплеткинсга тегиб, дарвоза тўридан жой олди.

Шундан сўнг махачқалъяликлар ташаббусни ўз қўлларига олиб, кетма-кет ҳуужм уюштиришди. Ҳаттоки Одил Аҳмедовнинг зарбаси дарвозамиз устунини ларзага келтирди. 14-дақиқада уюштирилган ҳужум натижасида "Насаф" аъзолари ўз жарима майдончалари ичида Жусилейга нисбатан қўполлик ишлатишади ва ҳакам пенальти белгилади. 11 метрлик жарима тўпини эса Лахиялов аниқ амалга оширди ва ҳисобни тенглаштирди. Бўлим ўрталарига бориб, ўйин темпи бироз тушди ва танаффусгача ҳисоб ўзгармай қолди.

Иккинчи бўлимда "Анжи" ташаббусни ўз қўлида ушлаб туришга интилди. Кўпгина вазиятларда ҳимоячиларимиз ва дарвозабонимиз яхши ҳааркат қилишди. Ўйин тугашига 8 дақиқа қолганида Илҳом Шомуродов ўзи эга бўлган имкониятни кўкка совурмади ва жамоасини ҳисобда олдинга олиб чиқди. Ўйиннинг қолган дақиқаларида махачқалъаликларнинг зарбалари дарвозага аниқ  бoрмаган бўлса, энг сўнгги дақиқада Зухуров ҳужумчи билан бирга-бир вазиятда тўпнинг дарвозага киришига йўл қўймади.

НАЗОРАТ УЧРАШУВИ
"Анжи" - "Насаф" - 1:2
Голлар: Переплеткинс, 3. Лахиялов, 14 - пенальти. Шомуродов, 82.
"Анжи": Габулов (Помазан, 46), Агаларов (Ангбва, 46), Жоао Карлос (Кухарчук, 65), Гаджибеков (Игонин, 46), Тагирбеков (Логашов, 46), Аҳмедов (Роберто Карлос, 46), Жусилей (Мухаммад, 65), Коронов (Гаджиев, 46), Лахиялов (Мирзабеков, 65), Жирков (Иванов, 46), Прудников (Голенда, 46).
«НАСАФ»: Муроджон Зуҳуров, Ботир Қораев, Шерзод Аъзамов (Нодир Саноқулов, 46), Шоҳрух Гадоев, Жаҳонгир Жиямуродов, Эркин Бойдуллаев (Элдор Бойматов, 46), Суҳроб Неъматов, Артур Геворкян, Андрей Переплёткинс (Носирбек Отақўзиев, 60), Шуҳратбек Мирхолдиршоев (Илҳом Шомуродов, 46), Иван Бошкович (Мирзакамол Камолов, 71).