Янги мавсумдан бошлаб «Бавария»да иш бошлаётган Юлиан Нагельсманн «Боруссия» форварди Эрлинг Ҳоландни ўз жамоасида кўришни истамоқда.
Sky Sport Deutschland’нинг ёзишича, Мюнхен клуби 20 ёшли норвегиялик ҳужумчи учун курашга қўшилган. Нагельсманн клуб раҳбарияти билан учрашувда янги жамоаси учун Ҳоланд идеал форвард эканлигини тушунтирган. Клуб Роберт Левандовски билан ҳали шартномани узайтирмагани боис, Ҳоланд польшалик голеадорга муносиб ўринбосар бўлишига ишонишмоқда.
Аввалроқ, Ҳоланд трансфери учун ёзги трансфер ойнасида «Реал», «Барселона», «Манчестер Сити» ва «Манчестер Юнайтед» клублари кураш олиб бориши хабар қилинганди.
Маълумот учун, Эрлинг Бундеслига жорий мавсумида 26 ўйинда 25та гол ва 5та голли узатмага муаллифлик қилган.
