Telegraph маълумотига кўра Марио Балотелли тўртта ўйинга четлаштирилиши мумкин.
Гап шундаки, кеча, “Тоттенҳэм”а қарши кечган ўйинда у рақиб ярим ҳимоячиси Скотт Паркерга нисбатан ўта қўпол ҳаракат қилганди. Тўқнашувда йиқилиб тушган рақибининг бошига тепиб ўтган Балотеллининг иши кўриб чиқилмоқда. Лондонликлар мураббий Ҳарри Реднапнинг фикрича, италиялик ҳужумчи бу ишни атайлаб амалга оширган экан. Агар бу фараз ўз исботини топса, Марио тўртта ўйинга дисквалификация қилинади.