"Ливерпуль" ҳимоячи Виржил ван Дейк ва ярим ҳимоячи Фабиньо билан шартномасини узайтирмоқчи, деб хабар беради журналист Фабрицио Романо.
Манбанинг хабарига кўра, январ ойидан буён 29 ёшли марказий ҳимоячи билан янги шартнома имзолаш "Ливерпуль"нинг асосий мақсади. Ўз навбатида, Виржил клубдан таклиф кутмоқда ва музокараларга тайёр.
Шунингдек, "қизиллар" раҳбарияти Фабиньо билан янги шартнома бўйича музокараларни бошлашни ҳам режалаштирмоқда.
Маълумот учун, ҳар иккала футболчининг клуб билан амалдаги шартномаси 2023-йилнинг ёзида ўз ниҳоясига етади.
