«Ювентус» ҳамда «Атлетико»нинг собиқ футболчиси 38 ёшли Рубен Оливера профессионал фаолиятига якун ясаши ҳақида эълон қилди.

"Бошқа футбол ўйнамайман. Бу менинг қарорим эмас. Уч ҳафта олдин менга юрагим билан муаммо борлиги ҳақида ташхис қўйишди. Фаолиятимни тугатишни истамаган бўлардим. Чунки бу спортга хоҳишим баланд. Шунинг учун мураббийлик ишини бошлайман", — деди Оливера.

Уругвайлик футболчининг охирги жамоаси "Апирилия Расинг" ҳисонланади. У 2018-2019 йилларда ишбу клубда ўйнаган. Оливера фаолияти давомида «Ювентус», «Атлетико», «Сампдория», «Женоа», «Фиорентина» ва бошқа клубларда тўп сурган. 2001-2005 йиллар мобайнида эса Уругвай миллий терма жамоасига чақирилган.