«Yuventus» hamda «Atletiko»ning sobiq futbolchisi 38 yoshli Ruben Olivera professional faoliyatiga yakun yasashi haqida e’lon qildi.

"Boshqa futbol o‘ynamayman. Bu mening qarorim emas. Uch hafta oldin menga yuragim bilan muammo borligi haqida tashxis qo‘yishdi. Faoliyatimni tugatishni istamagan bo‘lardim. Chunki bu sportga xohishim baland. Shuning uchun murabbiylik ishini boshlayman", — dedi Olivera.

Urugvaylik futbolchining oxirgi jamoasi "Apiriliya Rasing" hisonlanadi. U 2018-2019 yillarda ishbu klubda o‘ynagan. Olivera faoliyati davomida «Yuventus», «Atletiko», «Sampdoriya», «Jenoa», «Fiorentina» va boshqa klublarda to‘p surgan. 2001-2005 yillar mobaynida esa Urugvay milliy terma jamoasiga chaqirilgan.