“Барселона” “Аякс” ярим ҳимоячиси Райан Гравенберх учун курашга киришди, деб хабар беради Mundo Deportivo.
Манбанинг хабарига кўра, Каталония клуби ёзги трансферлар вақтида футболчи сотиб олиш вариантини кўриб чиқмоқда.
“Барселона” бош мураббийи Рональд Куман уни Серхио Бускетсга альтернатив футболчи сифатида кўрмоқда.
Шунингдек, ярим ҳимоячи “Ювентус” ва “Манчестер Юнайтед” қизиқишллари доирасига кирган.
Маълумот учун, жорий мавсум 18 ёшли Гравенберх “Аякс” таркибида барча мусобақаларда 44 учрашув ўтказиб, 5 гол урди ва 6 голли узатма амалга оширди.
Унинг клуб билан шартномаси 2023 йилнинг ёзигача амал қилади.
