8-9 май кунлари Биринчи лига иштирокчи жамоалари 5-тур доирасидан ўрин олган баҳсларни ўтказишди.

Тур доирасидан ўрин олган “Жиззах-Барс” — “Локомотив-БФК” ўйини 9 май куни бўлиб ўтиши керак эди. Бироқ клуб ЎзПФЛ олдидаги мажбуриятларини бажармаганлиги боис, Ўзбекистон Профессионал футбол лигаси ушбу клубга мазкур масалани яқин вақт ичида ҳал этиш учун огоҳлантириш хати юборган эди. Бироқ “Жиззах-Барс” томонидан зарур ҳаракатлар амалга оширилмади. 

Шу сабабдан “Жиззах-Барс” – “Локомотив-БФК” учрашуви ўтказилмади ва Жиззах клубига техник мағлубият, “Локомотив-БФК”га эса техник ғалаба ёзилади.

“Жиззах-Барс” клуби Биринчи лиганинг кейинги туригача ўз мажбуриятларини бажара олмаса, чемпионат қатнашчилари сафидан чиқарилади.