Испания чемпионатининг 35-тури доирасида «Реал» ўз майдонида «Севилья»ни қабул қилди.
«Альфредо де Стефано» ўйингоҳида кечган баҳс жанговар, 2:2 ҳисобидаги дуранг билан ниҳояланди. Учрашувнинг аввалида Бензема киритган гол офсайд сабаб ҳисобга олинмади. Шундан бироз ўтиб, Фернандо Ракитичнинг узатмасини голга айлантирди, 0:1.
Сўнгра, Модрич узатмасидан оқилона фойдаланган Асенсио ўз голи билан ҳисобни тенглаштирди. Мезбонлар дарвозасига белгиланган пенальтидан унумли фойдаланган Ракитич жамоасини ҳисобда олдинга олиб чиқди.
Таблодаги 2:1 учрашувга қўшиб берилган дақиқаларга қадар ўзгармади. Аммо, 90+4 дақиқада Азар жамоаси жонига оро кирди ва унинг хатти-ҳаракатлар эвазига Диего Карлос автогол муаллифи бўлиб, «Реал»ни мағлубиятдан қутқариб қолди.
«Реал Мадрид» – «Севилья» 2:2 (0:1, 2:1). «Эстадио Альфредо Ди Стефано»
Голлар: 0:1 – 22 Фернандо, 1:1 – 67 Асенсио, 1:2 – 78, пенальти Ракитич, 2:2 – 90, автогол Диего Карлос.
«Реал Мадрид» – Куртуа, Одриосола, Марсело (Мигель Гутьеррес, 66), Милитао, Начо, Кроос, Каземиро, Вальверде, Модрич (Асенсио, 66), Винисиус Жуниор (Азар, 79), Бензема.
«Севилья» – Буну, Навас, Диего Карлос, Кунде, Акунья, Гомес (Эн-Несири, 56), Жордан (Гудель, 84), Окампос (де Йонг, 88), Фернандо, Сусо (Оскар Родригес, 83), Ракитич (Оливер Торрес, 88).
Огоҳлантиришлар:
Каземиро (21), Сусо (56), Гудель (85).
