«Ювентус» ҳужумчиси Криштиану Роналду А Сериянинг 35-тури доирасидаги «Милан» билан учрашувини муваффақиятсиз ўтказди (0:3).

Португалиялик рақиб дарвозаси томон икки марта зарба берди, ҳеч қайсиниси нишонга аниқ бормади.

Роналду 4 марта дриблинг қилишга уриниб кўрди ва улардан биттаси муваффақиятли якунланди. Шунингдек, у жами 34 та узатмани амалга оширди, уларнинг 26 таси (76,5%) аниқ кўриниш олди.

Маълумот ўрнида, 36 ёшли ҳужумчи жорий мавсум, «кекса синьора» билан А Серияда 31 ўйин ўтказиб, 27 гол ва 2 ассист қайд этишга муваффақ бўлган.