Италия футбол федерацияси президенти Габриэле Гравина агар «Ювентус» Европа Суперлигасини тарк этмаса, клуб А Серияда қола олмаслигини маълум қилди.
"Қоидалар ҳаммага тушунарли. Агар «Ювентус» янги мавсум бошлангунига қадар Европа Суперлигасини тарк этмаса, А Серияда иштирок эта олмайди.
Бу мухлислар учун ачинарли ҳолат, аммо қоидалар барчага тегишлидир. Умид қиламанки, бу тортишувлар тез орада тугайди", — деди Габриэле Гравина.
Эслатиб ўтамиз, 2021 йилнинг 18 апрель куни 12 клуб бошчилигида Европа Суперлигасига асос солинганди. Орадан икки кун ўтиб қатор клублар бирин-кетин лойиҳани тарк эта бошлади ва Суперлига лойиҳаси вақтинча тўхтатилди. Айни дамда фақат «Реал», «Барселона» ва «Ювентус» лойиҳадан воз кечмаган.