Футбол бўйича БАА Про-Лигасининг 26-туридан ўрин олган бир қатор ўйинлар 11-май, сешанба куни бўлиб ўтди.
“Шабоб ал-Аҳли” меҳмонда “Ан-Наср” устидан 3:2 ҳисобида ғалаба қозонди. “Шабоб” сафида тўп сурадиган ўзбекистонлик ярим ҳимоячи Жалолиддин Машарипов мазкур баҳсда ўйин қайдномасига киритилмади. Одилжон Ҳамробеков эса 62-дақиқада захирадан майдонга туширилди.
Достонбек Ҳамдамов ҳаракат қиладиган “Ҳатта” сафарда “Ал-Айн”га 1:0 ҳисобида имкониятни бой бериб қўйди. Ҳамдамов 52-дақиқада ўйинга қўшилди.
“Шаржа” “Иттиҳод Калба” билан куч синашиб, минимал ҳисобдаги мағлубиятни қабул қилиб олди. Шаржаликлар сафида тўп тепадиган Отабек Шукуров беллашувда тўлиқ 90 дақиқа ҳаракат қилди.
Ушбу ғалабадан кейин “Шабоб ал-Аҳли”нинг очколари сони 50 тага етди, жамоа мусобақа жадвалида 3-поғонада бормоқда. “Шаржа” (48) 4-ўриндан жой олган бўлса, ҳисобида 12 очко бўлган “Ҳатта” сўнгги ўринни банд этган.
БАА Про-Лигаси
26-тур баҳслари
11-май, сешанба
“Ан-Наср” — “Шабоб ал-Аҳли” 2:3.
Голлар: 1:0 — 9 Ҳабиб ал-Фардан, 1:1 — 52 ат-Аттас, 1:2 — 56 Суҳил, 1:3 — 83 Жума, 2:3 — 86 автогол Жобир.
“Ал-Айн” — “Ҳатта” 0:1
Гол: 1:0 — 31 Канедо.
“Иттиҳод Калба” — “Шаржа” 1:0
Гол: 1:0 — 17 Млапа.
