Futbol bo‘yicha BAA Pro-Ligasining 26-turidan o‘rin olgan bir qator o‘yinlar 11-may, seshanba kuni bo‘lib o‘tdi.
“Shabob al-Ahli” mehmonda “An-Nasr” ustidan 3:2 hisobida g‘alaba qozondi. “Shabob” safida to‘p suradigan o‘zbekistonlik yarim himoyachi Jaloliddin Masharipov mazkur bahsda o‘yin qaydnomasiga kiritilmadi. Odiljon Hamrobekov esa 62-daqiqada zaxiradan maydonga tushirildi.
Dostonbek Hamdamov harakat qiladigan “Hatta” safarda “Al-Ayn”ga 1:0 hisobida imkoniyatni boy berib qo‘ydi. Hamdamov 52-daqiqada o‘yinga qo‘shildi.
“Sharja” “Ittihod Kalba” bilan kuch sinashib, minimal hisobdagi mag‘lubiyatni qabul qilib oldi. Sharjaliklar safida to‘p tepadigan Otabek Shukurov bellashuvda to‘liq 90 daqiqa harakat qildi.
Ushbu g‘alabadan keyin “Shabob al-Ahli”ning ochkolari soni 50 taga yetdi, jamoa musobaqa jadvalida 3-pog‘onada bormoqda. “Sharja” (48) 4-o‘rindan joy olgan bo‘lsa, hisobida 12 ochko bo‘lgan “Hatta” so‘nggi o‘rinni band etgan.
BAA Pro-Ligasi
26-tur bahslari
11-may, seshanba
“An-Nasr” — “Shabob al-Ahli” 2:3.
Gollar: 1:0 — 9 Habib al-Fardan, 1:1 — 52 at-Attas, 1:2 — 56 Suhil, 1:3 — 83 Juma, 2:3 — 86 avtogol Jobir.
“Al-Ayn” — “Hatta” 0:1
Gol: 1:0 — 31 Kanedo.
“Ittihod Kalba” — “Sharja” 1:0
Gol: 1:0 — 17 Mlapa.
