«Барcелона»нинг уругвайлик ҳимоячиси Роналд Араухо жароҳати туфайли сафдан чиқди.
Футболчи «Леванте» билан Испания чемпионатининг 36-тур учрашувида жароҳат олди. Яқин вақт ичида уругвайлик футболчи тиббий кўрикдан ўтади ва шундан сўнг, жароҳатнинг даражаси ҳамда ундан тикланиш вақти аниқ бўлади.
Таъкидлаш жоизки, Араухо яқиндагина аввалги жароҳатидан сўнг сафга қайтган эди.
Маълумот учун, жорий мавсумда 22 ёшли Араухо «Барселона» таркибида барча мусобақаларда 31 ўйин ўтказиб, 2 гол урди ва 1 голли узатма амалга оширди. Унинг клуб билан шартномаси 2023 йилнинг ёзигача амал қилади.
