Трансфер бозорида катта қизиқишларга сабаб бўлаётган «Сассуоло» етакчилардан бири Мануэл Локателли яна бир чемпионатда ўз кучини синаб кўриш истагини билдирди.
«Мен бошқа лигага ўтишни хоҳлайман. ПСЖдан қизиқиш борми? Мен ушбу жамоада ўйнашга қарши бўлмасдим. ПСЖ - бу дунёнинг энг яхши клубларидан бири, у ажойиб жойда жойлашган», - дея яримҳимоячининг твиттердаги сўзларини келтиради журналист Фабрицио Романо.
23 ёшли ярим ҳимоячининг «Сассуоло» билан шартномаси 2023 йил ўрталарига қадар мўлжалланган.
