«Интер»нинг баъзи ўйинчилари коронавирусга қарши қоидаларни бузгани учун жазоланишган.
Ромелу Лукаку, Ашраф Хакими, Иван Перишич ва Эшли Янг Белгияликнинг 28 ёшга тўлгани муносабати билан ту’ғилган кунни нишонлаш учун 12 майдан 13 майга ўтар кечаси Миландаги «Милано Дуомо» майдонига йиғилишган.
Шаҳардагилар шикоятидан сўнг, полиция тунги соат учларда зиёфатга етиб келган. Тадбирда жами 24 киши, жумладан, зиёфатни уюштирган меҳмонхона ресторани менежери ҳам бўлган.
Тафсилотларга кўра, барча иштирокчилар жаримага тортилганлар.
Олдинроқ, «Ювентус» футболчилари билан худди шундай вазият рўй берган эди. Унда Турин клуби ярим ҳимоячиси Уэстон Маккеннининг вилласида йиғилиш ўтказилган.
