Бугун «Барселона» президенти Хуан Лапорта бош мураббий Роналд Куман билан учрашади.

Marca хабарига кўра, менежер 58 ёшли мутахассис билан клубдаги келажагини муҳокама қилишни режалаштирмаган. Аксинча, улар «Барселона»нинг муаммоларини таҳлил қилишади.

Бундай учрашувлар аллақачон бўлиб ўтган. Яьни, Куман ва Лапорта бир неча марта тушлик ва кечки овқат пайтида учрашиб, клуб муаммолари ҳақида суҳбатлашишган.

«Барса» президенти жамоанинг ҳозирги инқирози сабаблари тўғрисида бевосита билишни истайди.

Куман атрофидаги кескинлик кучаймоқда, чунки ҳам клуб раҳбарияти, ҳам мухлислар жамоанинг мавсум якунида янада яхши ўйин намойиш этишини кутишмоқда.

Лапорта мураббий билан мунтазам алоқада бўлиб, унинг ёш футболчиларни таркибга киритишга тайёрлиги, шунингдек, «Барселона»ни ҳужумкор ўйин услубига тушириш ниятида эканлигини қадрлайди.

Шунинг учун клуб раҳбари бош мураббий масаласида шошилинч қарор қабул қилмайди.