Бугун Англияда ҳам кубок учрашуви бўлиб ўтади. Мамлакатда нуфуз жиҳатидан учинчи ўринда турадиган турнир – Англия Лига кубогида ярим финалда, иккинчи жуфтлик майдонга тушади.
Лига ғолиблигидан деярли мосуво бўлган “Ливерпуль, Тошкент вақти билан 00.45 да “Энфилд”да “Манчестер Сити”ни қабул қилади. Ушбу ўйин ғолиби катта эҳтимол билан Лига кубогини қўлга киритса керак. Чунки ярим финалдаги нариги жуфтликдан қўйи дивизион вакили бўлмиш “Кардифф” клуби финалга чиқди.
Эслатиб ўтамиз, “Ливерпуль” биринчи ўйинда сафарда 1:0 ҳисобида ғалаба қозонган эди.
Кеча “Ювентус” Италия кубоги баҳсида “Рома”ни йирик ҳисобида мағлуб этганидан хабарингиз бор. Бугун ҳам қизиқарли жуфтлик – “Наполи” ва “Интер” ўзаро куч синашади. Ушбу ўйин ҳам 00.45 да бошланади. Эртага эса, “Милан” “Лацио”ни қабул қилади.
