Испаниянинг учинчи дивизионида иштирок этувчи Мирандес клуби сенсацион равишда "Эспаньол" клубини мағлуб этди ва испания кубогининг ярим финалига йўл олди.

Дастлабки учрашувда Каталонияда 3:2 ҳисобида мағлубиятга учраган "Мирандес" ўз уйидаги жавоб ўйинида сенсация кўтарди. Ўз дарвозасидан биринчи бўлиб тўп ўтказиб юборганига қарамай, ҳакам қўши берган дақиқаларда ғалабани илиб кетди. Икки ўйин натижасига кўра ҳисоб 4:4. Аммо меҳмонда урилган гол эвазига "Мирандес" ярим финалда!

"Мирандес" "Эспаньол"ни ҳам қўшиб ҳисоблаганда, Ла лигада тўп сурувчи ҳисоб бўйича учинчи жамоани мусобақадан чиқариб юбормоқда. Жамоа ярим финал довонидан ҳам ўта олса, келаси йили Европа лигаси баҳсларида иштирок этиш баҳтига муяссар бўлади.

Мирандес – Эспаньол 2:1 (биринчи ўйин: 2:3)
Голлар: Инфанте, 57, Канеда, 90+2 – Руи Фонте, 46

Мирандес: Наусет, Гармендиа, Канеда, Корраль, Рауль Гарсия, Мартинс, Гарро (Ламбарри, 56), Мухика (Боррель, 68), Ирибас (Антчон Мунета, 73), Инфанте, Арройо

Эспаньол: Касилья, Галан, Рауль Родригес, Морено, Дидак, Форлин, Рауль Баена, Вайсс (Хави Лопес, 88), Альбин (Тьеви, 63), Ромарик (Верду, 73), Руи Фонте

Огоҳлантиришлар: Гармендиа, Арройо – Вайсс, Галан, Касилья, Галан