Таниқли собиқ футболчи Франческо Тотти Италиянинг «Рома» клуби мураббийлар штабига киритилмайди. Бу ҳақда La Republica нашри хабар бермоқда.
Тотти португалиялик Жозе Моуриньонинг ёрдамчиларидан бири бўлмаслигини маълум қилган. Бироқ ҳозирча бунинг сабаби келтирилмади.
Эътибор беринг, аввалроқ Италия матбуотида Франческо Рим клубига қайтиб, Моуриньога ёрдам бериши ҳақида миш-мишлар тарқалганди. Манбанинг таъкидлашича, бундай миш-мишларнинг ҳақиқатга ҳеч қандай алоқаси йўқ.
Тотти - бу «Рома» афсонаси. У бутун фаолиятини шу клубда ўтказган. 2017 йилдан 2019 йилгача император «Рома»нинг директорларидан бири бўлган эди.
