АГМК бош мураббийи Миржалол Қосимов Суперлиганинг 8-тури доирасида "Бунёдкор"га қарши бўлиб ўтган ўйин (3:1) борасида ўз фикрини билдириб ўтди.

«Аввало, қўшалоқ байрам билан комбинатимиз ходимлари ва раҳбариятини табриклайман. Бу ғалабамиз уларга бағишланади. Бугунги байрам бизга қўшимча мотивация берди.

Ўйинга келсак, албатта, қизиқарли учрашув бўлди. Биринчи бўлим тенг курашлар остида ўтаётганди, аммо қизил карточка туфайли 1 киши кам бўлиб қолдик. Шу туфайли дастлабки таймни ютқаздик. Йигитларга миннатдорчилик билдираман. Улар иккинчи таймда куч топа олишди. Нафақат ҳисобни тенглаштирдик, яна 2 та гол уриб мухлисларимизга қувонч бағишладик. Бизни қўллаб-қувватлаган ишқибозларга ташаккур айтаман. Келгусида ҳам улар бизни қўллаб-қувватла туришса, биз уларни хурсанд этиш учун майдонга чиқамиз ва ғалабаларни уларга тақдим этишга ҳаракат қиламиз», — деди Миржалол Қосимов.