«Интер»нинг собиқ футболчиси Никола Вентола аргентиналик ҳужумчи Лаутаро Мартинеснинг «нерадзурри»даги бўлажак фаолияти ҳақида гапирди.
«Мен "бомба" трансфер ҳақида биламан. Мартинес фаолиятини «Атлетико»да давом эттиради. Менга келишув амалга оширилганлигини айтишди. У Мадрид клуби таклиф этган жуда фойдали шартномани қабул қилади», - дейди Вентола.
Лаутаро ва Милан клуби ўртасидаги амалдаги меҳнат шартномаси 2023 йил ўрталарига қадар тузилган. Футболчининг трансфер нархи эса 70 миллион еврога баҳоланмоқда.
Маълумот учун, ушбу мавсум ҳужумчи А Серияда 36 учрашув ўтказиб, 16 гол ва 5 ассистга муаллифлик қилди.
