Италия терма жамоасининг собиқ ҳужумчиси Кристиан Вьери «Ювентус»нинг Чемпионлар Лигасига эҳтимолий йўл олмаслигининг оқибатлари ҳақида гапирди.

"Ўйлашимча, «Интер» «Ювентус»ни мағлубиятга учратади ва келаси мавсум Турин клуби Чемпионлар Лигасида ўйнамайди.

Чемпионлар Лигасисиз Роналду кетади ва ўзи билан кўпчиликни олиб кетади. «Ювентус» жиддий молиявий инқирозга учрайди. Бу ҳайратланарли омадсизлик бўлади ва кўп футболчилар жамоани тарк этишади", — деди Вьери.

«Ювентус» бугун «Интер» билан тўқнаш келади. Учрашув Тошкент вақти билан 21:00 да бошланади.