"Лацио" "Рома"га мағлуб бўлганидан сўнг, ҳатто Чемпионлар Лигасига чиқиш учун назарий имкониятларни ҳам бой берди. Жамоа мавсумни албатта олтинчи ўринда якунлайди. Клуб бош мураббийи Симоне Инзаги жамоанинг ҳолати ҳақида гапирди.
"Бизнинг вазифамиз ўсишда давом этишдир. Беш йил олдин бу ерга келганимда, жамоа Евромусобақаларда бўлмаган. Кейин биз у ерда кетма-кет беш мавсумда бўлдик. Биз Чемпионлар Лигасида эдик ва плей-оффга ҳам чиқдик.
Мен шартномани узайтириш борасида некбинман. Президент ва директорга мавсум тугагандан сўнг учрашамиз деб айтдим. Бугундан кўра ижобийроқ нотада якун топишга ҳаракат қилишимиз керак", - дея хулоса қилди Инзаги.
