«Тоттенҳем» клуби бош мураббийи вазифасини бажарувчи Райан Мейсон ҳужумчи Ҳарри Кейнни АПЛнинг жорий мавсумидаги энг яхши футболчисига лойиқлигини таъкидлади.
"Ожизона фикримча, Ҳарри жорий мавсум Премьер-лигада энг муҳим футболчи. У голлар бўйича Салаҳ билан етакчилик қилмоқда ва узатмалар сони бўйича ҳам пешқадам. Ҳарри бу мавсум АПЛда мавсум ўйинчиси бўлиш учун номзодлар қаторига кириши лозим.
Ҳарри 5-6 йилдан бери АПЛда барқарор юқори савияда ўйнаётган футболчилардан бири. У дунёдаги энг зўр ўйинчилардан бири. Буни ҳаммамиз биламиз. Бу мавсум у яна бир бор кўрсатди, балки энг яхши статистика бўлиши мумкин", — деди Мейсон.
