Ўзингизга маълум, Қаршининг "Насаф" жамоаси 17 май куни ОФК Кубоги “Ф” гуруҳи 2-турида Тожикистоннинг “Хўжанд” жамоаси билан куч синашади. Беллашув маҳаллий вақт билан соат 21:05 да бошланади.
“Хўжанд” жамоаси ҳақида гапиришдан олдин жамоамизнинг тожик клубларига қарши ўйинларини ёдга оламиз. “Насаф” ўз тарихида фақат бир маротаба тожик клуби билан куч синашган. 2001/2002 йилги Осиё Чемпионлар Кубоги мусобақаси иккинчи босқичида “аждарлар” Тожикистоннинг “Самар-Умид” жамоаси билан куч синашиб умумий ҳисобда 7:3 ҳисобида ғалаба қозонган (4:1, 3:2).
“Хўжанд” жамоаси ҳақида…
“Хўжанд” жамоаси 1953-1991 йиллар орасида Собиқ иттифоқнинг иккинчи лигасида иштирок этган. У пайтда жамоанинг асосий вазифаси яна бир тожик клуби “Помир” жамоасига футболчи етказиб беришдан иборат бўлган. Жамоа 1992 йилдан буён Тожикистон Олий лигаси иштирокчиси саналади. “Бургутлар” тожик клублари орасида энг совриндор жамоалардан бири ҳисобланади. Рақибимиз Тожикостон Олий лигасида етти марта кумуш медали, беш марта бронза медали ва тўрт карра Тожикистон кубоги соҳибига айланган.
“Хўжанд” жамоаси ОФК кубоги 1-турида Туркманистоннинг “Олтин Aср” жамоаси билан куч синашди ва якунда томонлар муросаа кўчасини танлашди – 2:2.
