Туриннинг «Ювентус» клуби собиқ бош мураббийи Массимилиано Аллегри «Реал» билан музокара ўтказди.
Испания ОАВларининг маълум қилишича, Зинедин Зидан мавсум тугагандан сўнг жамоадан кетишини айтган.
Италиялик машҳур журналист Фабрицио Романо «Реал» вакиллари Массимилиано Аллегри билан Мадрид клубининг бош мураббийи лавозими учун мутахассисдан оғзаки розилик олган ҳолда аллақачон учрашганлигини билиб олган.
Аллегрининг сўнгги иш жойи Массимилиано беш мавсум давомида ишлаган «Ювентус» ҳисобланади.
Бу даврда италиялик мураббий беш марта мамлакат чемпиони бўлган ва тўрт марта Кубок ҳамда икки марта Суперкубокни қўлга киритган.
2019 йилда 53 ёшли мураббий қониқарсиз натижалар туфайли ишдан бўшатилган.
