“МЮ”нинг ёрдамчи мураббийи Майк Фелан жамоа ҳимоячиси Фил Жонснинг кейинги ўйинда майдонга тушиши мумкинлигини билдирди. Фил Жонс “Арсенал”га қарши ўйинда оёҳини қайириб олганди ва илк дақиқаларда алмаштирилганди. “МЮ” бу хафта охирида Англия кубоги доирасида “Ливерпуль”га қарши муҳим ўйинда майдонга тушади. Феланнинг айтишича, ката эҳтимол билан Жонс ушбу ўйинда майдонга тушади.

- Жонс ўйинга тайёр бўлаётганди албатта ёқимли, - деди Фелан, - аммо барибир жароҳатлар эпидемияси бизга панд бермоқда. Видич ва Флетчер йил охиригача бизга ёрджам бера олмайдилар. Янг, Нани, Руни ва Кэррикларнинг ҳам майдонга тушиши сўроқ остида. Биз ҳозир оптимал таркибдан фойдалана олмаймиз, аммо барча ўйинларда ғалаба қозонишга ҳаракат қиламиз.