«Интер» ва «Барcелона» жамоаларининг собиқ ҳужумчиси Самуэль Это'О «Тоттенхем»нинг собиқ устози Жозе Моуриньо ҳақида ўз фикрлари билан ўртоқлашди.

«Биринчидан, Жозе - менинг дўстим. У самимий инсон, агар унга бирор нарса ёқмаса, у сизга буни дарҳол айтишга уринади. Иккаламиз ҳам бир-биримизни яхши тушунардик.

У мен футболда учратган энг яхши инсонлардан бири. Кўпчилик уни жаҳли тез одам сифатида тасвирлашади, аммо бу ёлғон. Ҳаёт ва футбол бу умуман бошқа нарсалар. У билан майдондан ташқарида суҳбатлашишингиз керак. Шунда сиз Жозени ўзингиз учун кашф қиласиз.

Яна бир муҳим жиҳат шундаки, у фақат натижа ҳақида қайғуради. У футболни шу орқали кўради. У ўз ўйинларида мағлуб бўлмаслиги керак", - дейди Это'О.