Ўзбекистон Суперлигасининг 9-туридан ўрин олган «Бунёдкор» - «Навбаҳор» ўйинидан кейинги матбуот анжуманида Виктор Жалилов ўз фикрлари билан ўртоқлашди.

«Ўйин ҳар икки жамоа учун қийин кечди. Ўйлашимча, бугун қайси жамоа ғалаба қозонган тақдирда ҳам рақиб учун аламли мағлубият бўларди. Бугун дарвозабонимиз ажойиб ўйин кўрсатди. Бизда ҳам, рақибда ҳам кўплаб имкониятлар бўлди.

Лекин биз улардан унумли фойдалана олмадик. Легионерлар ҳақида гапирадиган бўлсак, ҳар доим ҳам ўйини чиқмасада Иван маҳоратли футболчи. У кўрсатмаларни тўғри қабул қилад ва яхши бажаради. Паншанбе ҳақида ҳам худди шу фикрни билдиришим мумкин. Бу футболчилар асосий таркибда ўйнашяптими, демак улар шунга муносиб», -дейди наманганликлар бош мураббийи.