O‘zbekiston Superligasining 9-turidan o‘rin olgan «Bunyodkor» - «Navbahor» o‘yinidan keyingi matbuot anjumanida Viktor Jalilov o‘z fikrlari bilan o‘rtoqlashdi.
«O‘yin har ikki jamoa uchun qiyin kechdi. O‘ylashimcha, bugun qaysi jamoa g‘alaba qozongan taqdirda ham raqib uchun alamli mag‘lubiyat bo‘lardi. Bugun darvozabonimiz ajoyib o‘yin ko‘rsatdi. Bizda ham, raqibda ham ko‘plab imkoniyatlar bo‘ldi.
Lekin biz ulardan unumli foydalana olmadik. Legionerlar haqida gapiradigan bo‘lsak, har doim ham o‘yini chiqmasada Ivan mahoratli futbolchi. U ko‘rsatmalarni to‘g‘ri qabul qilad va yaxshi bajaradi. Panshanbe haqida ham xuddi shu fikrni bildirishim mumkin. Bu futbolchilar asosiy tarkibda o‘ynashyaptimi, demak ular shunga munosib», -deydi namanganliklar bosh murabbiyi.
