Хави немис клуби ва Бразилия терма жамоасида ишлашдан бош тортди.
«Аль-Садд» бош мураббийи Хави «Боруссия Дортмунд»ни бошқариш учун билдирилган таклиф, шунингдек, Бразилия терма жамоасида Титега ёрдамчи мураббийга айланишдан бош тортди, деб хабар беради AS.
Манбага кўра, испаниялик мутахассис немис клуи ва Бразилия терма жамоаси масъулларига таклифлар учун ўз миннатдорчилигини билдирган, бироқ иккала томонга ҳам рад жавобини берган.
Шундан сўнг Хави «Аль-Садд» билан шартномасини 2023 йил ёзигача узайтирган.
Эслатиб ўтамиз, «Барселона» Хавини амалдаги бош мураббий Роналд Куманга ўринбосар сифатида кўриб чиқмоқда. Мураббий «Аль-Садд»дан «Барcэлона»га бепул кетиш ҳуқуқига эга. Бу борадаги тегишли банд унинг шартномасида кўрсатилган.
