Бугун Қатар Юлдузлар Лигасининг 14-туридан ўрин олган яна икки учрашув бўлиб ўтди. Биз учун аҳамиятлиси, терма жамоамиз ҳимоячиси Шавкат Муллажонов тўп сураётган «Ал-Аҳлий» клуби ўз майдонида Осиё чемпиони «Ас-Садд» клубини қабул қилди.

Муллажонов 90 дақиқа тўлиқ ҳаракат қилган учрашув голларга бой бўлди, бироқ 0:3 ҳисобда ютқазаётган «Ал-Аҳлий» «камбэк» қилишни эплай олмади — 2:3.

Иккинчи учрашувда «Ал-Ғаррафа» «Ал-Арабий»ни қабул қилди ва дурангга имзо чекди — 1:1.

АЛ-АҲЛИЙ – АС САДД 2:3 (0:2)
Голлар: Ҳишом Абуширвон (65), Диоко Калуйитука (71) – Халфан Иброҳим (3), Мажид Муҳаммад (15), Юсуф Аҳмад (47)

АЛ-ҒАРРАФА – АЛ-АРАБИЙ 1:1 (1:0)
Голлар: Усмон ал-Ассос (32) – Буалим Хухий (72-пен)

Эртага «Ар-Райян» - «Ал-Хор» ва «Умм Салал» - «Ал Вакра» учрашувлари бўлиб ўтади.