"Бавария" ҳужумчиси Дуглас Коста ва ярим ҳимоячи Тиагу Дантеш ижара муддати тугагани сабабли жамоани тарк этишди.
30 ёшли Коста "Ювентус"дан ижарага олинган эди. Жорий мавсумда у барча турнирларда 22 учрашув ўтказиб, 1та гол урди ва 3та голли пас берди.
Бразилиялик футболчи суяги синиши сабабли сўнгги уч ой давомида майдонга тушмади. Яқинда чиққан маълумотларга қараганда, "Ювентус" Костани "Гремио"га кетишига имкон берган.
20 ёшли Дантеш эса "Бенфика"га қайтади. Мавсумнинг кўп қисмини португалиялик клубнинг ёшлар жамоасида Бундеслиганинг учинчи дивизионида ўтказди.
