Мадриднинг «Реал» клуби ярим ҳимоячиси Каземиро Испания Ла Лигасининг оҳирги туридан сўнг, фикр билдирди ва ўтган мавсумдаги қийинчиликлар ҳақида ҳам гапириб ўтди.

«Биз ғалаба қозонишимиз ва« Атлетико» ўйнаган параллель ўйинда нима бўлишини кутишимиз керак эди. Аммо барчаси бошқача бўлди. «Атлетико» ним ақилиш кераклигини биларди ва буни бекамикўст бажарди. Лекин энг муҳими биз бутун мавсум давомида яхши ҳаракат қилдик.

Жароҳатлар, коронавирус ва бошқа қийинчиликларга қарамай биз Ла Лига ва Чемпионлар Лигаси учун охиригача курашдик. Барча футболчилар ушбу қийин мавсумдан фахрланишади. Аммо бирон нарсани ўзгартириш керак, чунки биз бу йил биронта унвонга сазовор бўлмадик», - дейди бразилиялик ярим ҳимоячи.

Маълумот учун, Мадриднинг «Атлетико» клуби 38 учрашувда 86 очко тўплаган ҳолда, 2020/2021 йилги мавсум чемпионига айланди. «Реал» эса 84 очко билан вице чемпион номига сазовор бўлган бўлса, 79 очко жамғарган «Барселона» кучли учликдан ўрин олди.